სიახლეები

საშობაო ფესტივალი

Details

Category: სიახლეები

Published on Wednesday, 25 June 2025 18:01

Written by gia

Hits: 41

ა (ა) იპ ,,საქართველოს საპატრიარქოს ოზურგეთის წმიდა გაბრიელ ეპისკოპოსის სახელობის მართლმადიდებლურმა სკოლამ 9-10 იანვარს ღირსი მამა გიორგი მთაწმინდელის გორის გიმნაზიის მიერ ორგანიზებულ ყოველწლიურ, ტრადიციულ საშობაო ფესტივალში მიიღო მონაწილეობა. ამჯერადაც ჩვენი სკოლა ჩაერთო ფესტივალის ფარგლებში დაგეგმილ თითქმის ყველა ღონისძიებაში. მათ შორის: მოსწავლეთა კონფერენციაში, რომელიც ეძღვნებოდა პირველ მსოფლიო საეკლესიო კრებას (ვახტანგ ხურციძე _ VIII კლასი; გაგი ვაშაყმაძე _ IX კლასი, გურამ ხელაძე; პედაგოგი _ ხათუნა სალუქვაძე), საკონფერენციო პრეზენტაცია ჩვენმა სკოლამ მეცხრე კლასის მოსწავლის, გურამ ხელაძის მიერ შექმნილი ანიმაციით გაამრავალფეროვნა. ფოტოკონკურსში, მოსწავლეთა ხელნაკეთი ნამუშევრების გამოფენაში (მერვე და მეცხრე კლასების მოსწავლეები, პედაგოგები: ელენე სარიშვილი, ნატო სალუქვაძე)... 10 იანვარს ჩვენი სკოლის მოსწავლეებმა წარმოადგინეს პროგრამა, რომელიც აგებული იყო ფესტივალის თემატიკაზე: ,,მშობლიური ეპარქიის ცხოვრება“: საშობაო ტროპარი ტრიომ შეასრულა, აკეთური ალილო _ სკოლის გუნდმა. (პედაგოგი: მამუკა სირაძე). პროგრამაში ჩართული იყო ქართული ხალხური ცეკვების პოპური, ცეკვა ,, ქართული " (პედაგოგი: მელის ნადირიძე).